Халқаро валюта жамғармаси юанни расман халқаро захира валютаси деб тан олди

Халқаро валюта жамғармаси Хитой юанини расман халқаро захира валютаси деб тан олди. Бу ҳақда Жамғарма матбуот хизматига таяниб, «ТАСС» хабар бермоқда.

Таъкидланишича, шу муносабат билан ташкилот Директорлар кенгаши юанни ХВЖга аъзо мамлакатлар валюта захиралари таркиби тўғрисидаги чораклик ҳисоботларга АҚШ доллари, евро, Япония иенаси, Британия фунт стерлинги, Швейцария франки, Австралия доллари ва Канада доллари билан битта қаторга киритиш ҳақида қарор қабул қилди.

Юаннинг ҳисоботларга оид ҳужжатларга киритилиши «ташкилотга аъзо мамлакатлар юанга деноминация қилинган ўз ташқи активларини расмий захира сифатида кўзда тута олишини билдиради», — дея аниқлик киритишди ХВЖдагилар.

Қарор 2016 йил 1 октябрдан кучга киради.