Россия, Буюк Британия, Германия, Франция ва Италия етакчилари Сурия бўйича «йўл харитаси»ни маъқуллади
Россия президенти Владимир Путин, Буюк Британия бош вазири Дэвид Кэмерон, Германия канцлери Ангела Меркель, Франция президенти Франсуа Олланд ва Италия бош вазири Маттео Ренци 4 март, жума куни телефон орқали мулоқотда бўлди. Унда Сурияни қўллаб-қувватлаш халқаро гуруҳи томонидан келишилган ва БМТ Хавфсизлик Кенгаши резолюцияси билан тасдиқланган инқирозни бартараф этиш «йўл харитаси» маъқулланди. Бу ҳақда «ТАСС» хабар бермоқда.
Фото: AP
«Етакчилар Сурияда жанговар ҳаракатларни тўхтатиш тўғрисидаги Россия ва АҚШ келишуви бажарилишини батафсил муҳокама этди. Ўт очишни тўхтатиш тартибига умуман олганда риоя этилаётгани, илк ижобий натижаларни бераётгани ва БМТ шафелигида Сурия бўйича мулоқотнинг йўлга қўйилишига асос яратаётганлиги эътироф этилди.
Россия томони Сурия расмийларининг апрель ойида мамлакатда парламент сайловларини ўтказиш тўғрисидаги қарори амалдаги конституцияга биноан қабул қилингани ва тинчлик ўрнатиш бўйича саъй-ҳаракатларга халақит бермаслигини билдирди», — дея таъкидланади Кремль матбуот хизмати хабарида.
Изоҳ (0)