Бразилияда собиқ президент Луис Инасиу да Силва қўлга олинди: полиция унинг уйида Petrobras нефть компанияси иши доирасида тинтув ўтказган. Бу ҳақда «Ведомости» хабар бермоқда.
Petrobras’даги коррупция ҳолатлари билан боғлиқ можаро 2014 йил якунида авж олди. Компаниянинг ҳибсга олинган собиқ ходимлари йирик лойиҳалар учун жавоб берган менежерлар томонидан пудрат ишлари баҳоси ошириб кўрсатилгани, уларнинг ҳамёнида шартнома суммасининг тахминан 3 фоизи қолгани ҳақида гувоҳлик берган. Полиция ушбу маблағнинг бир қисми да Силва партиясининг тарғибот кампаниялари ва бошқа харажатларига ишлатилганини гумон қилмоқда.
Мазкур иш бўйича Petrobras буюртмасини бажарган қурилиш компаниялари менежерлари ва нефть компанияси ходимлари турли муддатларга ҳукм қилинди. 4 март, жума куни полиция жами 33 та тинтув ўтказган ҳамда да Силванинг она шаҳри — Сан-Бернарду-ду-Кампуда 11 кишини қўлга олган. Собиқ президент эса полицияга сўроқ учун олиб кетилган.
Изоҳ (0)