Канаданинг олтин захираси февраль ойи давомида сотиб битирилди ва ноль кўрсаткичгача тушиб кетди, дея хабар бермоқда «РБК» мамлакат молия департаменти сайтига таяниб.
Молия департаменти расмий вакили Дэвид Барнаби аниқлик киритишича, ҳукумат реал товарларни сотиш ва янада ликвидроқ активларга инвестиция киритиш йўли билан портфелни диверсификация қилиш бўйича узоқ муддатли сиёсатга риоя қилмоқда.
The Globe and Mail ёзишича, Канада 1935 йилдан буён биринчи марта олтин захирасини бўшатган. Bloomberg маълумотларига кўра, Канадада олтин захиралари ҳажми 1965 йилда ўз чўққисига етган, ўшанда мамлакат олтин ёмби ва тангалари қиймати 1,15 миллиард долларни ташкил қилган. 1980 йилдан бошлаб ҳукумат олтинни аста-секинлик билан сотиб, хорижий валютага сарфлай бошлади.
Изоҳ (0)