Россия прокуратураси 4 ёшли қизалоқни ўлдиришда гумон қилинаётган ўзбекистонлик Гулчеҳра Бобоқуловани қўлга олиш чоғидаги полиция ходимларининг хатти-ҳаракатларини текширувдан ўтказади. Бу ҳақда, «Интерфакс» агентлигига таяниб, Meduza хабар бермоқда.
«Полиция ходимларининг хатти-ҳаракатлари юзасидан тегишли туман прокуратураси текширув ўтказиб, унинг натижаларига кўра ҳуқуқ-тартибот органлари ходимлари ҳаракатларининг тезкорлиги ва асослилигига ҳуқуқий баҳо берилади», – деди Россия бош прокурори биринчи ўринбосари Александр Буксман.
Эслатиб ўтамиз, 29 февраль куни Москва шимоли-ғарбидаги ёнғин юз берган хонадонда бошсиз қизнинг танаси топилди. Орадан бир неча соат ўтиб «Октябрское поле» метро бекатида шу қизнинг энагаси, ўзбекистонлик Гулчеҳра Бобоқулова ҳибсга олинган. Хабар беришларича, унинг қўлида қизчанинг боши бўлган.
Гувоҳларнинг сўзларига кўра, ўзини портлатиб юбориш билан таҳдид қилган аёлга қарийб 40 дақиқа давомида ҳеч ким яқинлашмаган. Кейинроқ, «Интерфакс» хабарига кўра, аёл айбига иқрор бўлиб, кўрсатма берган.
Изоҳ (0)