Малайзия бош вазири Нажиб Раззоқга тегишли банк ҳисоб-рақамларида аввал билдирилганидек 681 миллион эмас, 1 миллиард доллардан зиёд маблағ бўлган. Бу ҳақда вазият билан таниш манбаларга таяниб, Wall Street Journal маълум қилган, дея хабар беради «РИА Новости».
Терговчиларнинг тахминича, бир миллиард доллардан ошиқ маблағ Раззоқнинг ҳисоб рақамларига 2011—2013 йилларда жойлаштирилган ва уларнинг аксар қисми 1MDB давлат фондига тааллуқли.
Ўтган йил июлида фонд билан боғлиқ ташкилотлардан Нажиб Раззоқ ҳисоб рақамига 700 миллион долларга яқин маблағ ўтказилгани билдирилган, ўшанда собиқ бош вазир Махатхир Муҳаммад издошини порахўрликда айблаганди. Малайзия бош прокурори Муҳаммад Апанди Али эса мазкур йирик суммани (681 миллион доллар) «Саудия Арабистони қироллик оиласининг хайрияси» деб топганди.
Изоҳ (0)