Февраль бошида Атлантика осмонида атмосферанинг зич қатламларига кирган метеорит сўнгги уч йил ичидаги энг йириги бўлди ва ҳажми бўйича Челябинск метеоритидангина ортда қолди. Бу ҳақда NASA астрономи Рон Баалке томонидан тайёрланган ҳисоб-китобларга таяниб, «ТАСС» хабар бермоқда.
Унинг фикрича, 6 февраль куни Жанубий Атлантика осмонида кузатилган метеорит 31 километр баландликда портлаган ва ундан ҳосил бўлган булут Челябинск метеорити портлаган вақтдаги булутга қиёслана олади.
Яна бир астроном — Фил Плэйт ушбу метеорит диаметри 5—9 метрни ташкил этганини тахмин қилди, Челябинскка 2013 йил 15 февралда қулаган астероид диаметри эса 18 метрга тенг бўлган.
Изоҳ (0)