Сербиянинг Salt & Water компанияси томонидан ўйлаб топилган «Сузувчи отель» ҳозирча концепция бўлиб, уни ҳаётга татбиқ этишга тайёргарлик кўрилмоқда. Бу ҳақда AdMe ҳикоя қилди.
Сиз келасиз, номерга жойлашасиз, сўнг номер билан сузиб кетасиз ва қайси гўзал масканда яшашингиз, чўмилишингиз, балиқ овлашингиз ҳамда манзараларни томоша қилишни ўзингиз танлайсиз.
Бу алоҳида номер-катамаран. Таътил давомида бир жойдан иккинчисига кўчиб, тўғрироғи, сузиб ўтишингиз мумкин.
Ҳар бир номерда алоҳида яшаш учун шароит бор: меҳмонхона, ошхона, ётоқхона, ваннахона, пляж палубаси, очиқ айвон ва «капитан кўприкчаси».
Ҳар бир номер 2—4 кишига мўлжалланган. Меҳмонлар сузиш, балиқ овлаш, дайвинг билан шуғулланиши учун имконият яратилган. Буни меҳмонхона номери эмас, ҳар куни ойнадан кўринадиган манзаралари ўзгариб турадиган кичик уй деб аташ мумкин.
Изоҳ (0)