Миср президенти Абдулфаттоҳ ас-Сисий Синай яриморолида ўтган йилнинг 31 октябрида ҳалокатга учраган Россиянинг A321 самолёти уриб туширилганини илк бор тан олди. Бу ҳақда «ТАСС» хабар бермоқда.
«Самолётни уриб туширганлар Россия ва бошқа мамлакатлар билан муносабатларни бузиш, Миср туризмига зарба беришни мақсад қилган. Бу теракт бўлган», — дея таъкидлаган ас-Сисий.
Мазкур баёнот Қоҳиранинг 224 киши ўлимига сабаб бўлган йўловчи лайнери қулашига ташқи омил сабаб бўлганлигини биринчи бор расман тан олишидир. Гарчи Россия Федерал хавфсизлик хизмати ўтган йил ноябрь ойида мазкур ҳодисани «теракт» деб атаган бўлса-да, охирги пайтгача мамлакат расмийлари тергов комиссияси авиаҳалокатнинг бирон бир версиясини истисно этмаслигини билдириб келганди.
Изоҳ (0)