ЕЧЛ 1/8 финалининг дастлабки ўйинлари доирасида «Барселона» Лионель Мессининг дубли эвазига «Арсенал» устидан 2:0 ҳисобида ишончли ғалабани қўлга киритди. Аргентиналик футболчининг иккинчи голи каталон жамоасининг барча расмий турнирлардаги 10000-голига айланди. Бу ҳақда «Барселона» клуби матбуот хизмати хабар бермоқда.
Ушбу кўрсаткичга эришиш учун каталонияликларга 4375 та ўйин керак бўлди. Бу эса, «Барселона» ҳар бир ўйинда ўртача 2,28 та гол киритаётганини англатади.
Маълумот ўрнида, «Барселона» жамоасининг биринчи расмий голи 1901 йил, 20 январда Жорж Жирван томонидан киритилган. Клубнинг 5000-голига эса Карлес Рексач 1970 йилнинг 13 декабрида «Малага» дарвозасига киритган голи орқали муаллифлик қилган.
Изоҳ (0)