Австралиянинг Порт-Пири шаҳрида ITF туркумида кирувчи, соврин жамғармаси 25 минг АҚШ долларидан иборат теннис турнири старт олди. Ушбу мусобақада ўзбекистонлик Нигина Абдураимова яккалик ва жуфтликлар баҳсларида иштирок этмоқда.
Халқаро теннис федерациясининг маълум қилишича, яккалик баҳсларининг биринчи даврасида ўзбекистонлик 21 ёшли теннисчи британиялик Кети Даннга қарши кортга чиқди. 2 соату 7 дақиқа давом этган беллашувда Абдураимова 6:2, 3:6, 6:4 ҳисобида зафар қучди. Ўйин давомида у бешта эйс амалга ошириб, иккита қўш хатога йўл қўйди. Иккинчи даврада Нигина Абдураимовага мезбон теннисчи Жессика Мур қаршилик кўрсатади.
Жуфтликлар баҳсида чехиялик Барбора Стефкова билан тандем ҳосил қилган Абдураимова илк учрашувда япониялик Кёка Окамура ва хитойлик Ран Тиан жуфтлигига қарши кортга чиқди. Муросасиз кечган ўйинда Абдураимова/Стефкова жуфтлиги 6:3, 6:3 ҳисобида ғалаба қозониб, чорак финалга чиқди.
Изоҳ (0)