Осиё Чемпионлар Лигасининг «B» гуруҳида иштирок этаётган Тошкентнинг «Бунёдкор» клуби 1-турни Саудия Арабистонида «Ан-Насср»га қарши ўтказди. Бу ҳақда клуб расмий сайти хабар бермоқда.
Учрашувнинг 2-дақиқасида саудияликлар дарвозабони Абдуллоҳ Ал Энази тўпни узоқлаштиришда хатога йўл қўйди, тўпни эгаллаб олган Достонбек Ҳамдамов чап оёғи билан узоқ масофадан чиройли тарзда дарвозани ишғол қилди — 0:1.
33-дақиқада ўнг қанотдан Забихилло Ўринбоевнинг ҳаводан узатиб берган тўпини Шакер Зуаги боши билан дарвозага йўллади — 0:2.
Таймнинг сўнгги дақиқасида бош ҳакам Рустам Ашурматов Шая Шараҳилини йиқитди деб ҳисоблаб, Зуҳуров дарвозаси томон пенальти белгилади. 11 метрли жарима тўпини Адриан Миерзежевски аниқ амалга ошириб, ҳисобни қисқартирди — 1:2. Жамоалар танаффусга мана шу ҳисоб билан чиқиб кетди.
75-дақиқада Достонбек Ҳамдамов рақиб ҳимоячисининг хатосидан сўнг жарима майдонига кириб борди ва тўпни ўзига тўғрилаб олиб, кучли зарба билан дарвозани ишғол қилди — 1:3.
Орадан 5 дақиқа ўтгач ҳисоб қисқарди. Яҳё Ал Шеҳри жарима майдони яқинидан кучли зарба билан гол урди — 2:3. Учрашув тугашига 5 дақиқа қолганида Ҳуссайин Сулаймони белгиланган жарима тўпини аниқ амалга ошириб, тўпни Зуҳуров қўриқлаётган дарвозага йўллади — 3:3.
Шу тариқа, «қалдирғочлар» ОЧЛ гуруҳ босқичини сафарда дуранг билан бошлади. 1 март куни «Бунёдкор» «Ан-Насср»ни ўз майдонида қабул қилади.
Ушбу гуруҳдаги иккинчи ўйинда Қатарнинг «Лахвия» клуби Эроннинг «Зоб Ахан» жамоасига 0:1 ҳисобида ютқазиб қўйди.
ОЧЛ—2016. «B» гуруҳи. 1-тур.
«Ан-Насср» (Саудия Арабистони) — «Бунёдкор» (Ўзбекистон) — 3:3 (1:2)
Голлар: Адриан Миерзежевски (45 пенальти), Яҳё Ал Шеҳри (80), Ҳуссайин Сулаймони (85) — Достонбек Ҳамдамов (3, 75), Шакер Зуаги (33).«Ан-Насср»: Абдуллоҳ Ал Энази, Муҳаммад Ҳуссайин, Омар Хавсави, Холид Ал Гамди, Ҳуссайин Сулаймони, Иброҳим Ғолиб (Муҳаммад Саҳлави, 46), Абдулазиз Жебрин, Шая Шараҳили (Авад Ҳамис, 65), Маркинос (Яҳё Ал Шеҳри, 62), Адриан Миерзежевски, Наиф Ҳазази.
«Бунёдкор»: Муроджон Зуҳуров, Акмал Шораҳмедов, Акрамжон Комилов, Шакер Зуаги, Минори Сато, Элдор Шомуродов (Баҳодир Насимов, 67), Достонбек Ҳамдамов (Юрица Булят, 90+3), Забиҳилло Ўринбоев (Шаҳзодбек Нурматов, 51), Рустамжон Ашурматов, Отабек Шукуров, Александр Алемпиевич.
Огоҳлантиришлар: Отабек Шукуров (39), Рустам Ашурматов (45).
«Лахвия» (Қатар) — «Зоб Ахан» (Эрон) — 0:1 (0:0)
Гол: Меҳди Ражабзода (46).Эслатиб ўтамиз, Тошкентнинг «Локомотив» клуби ҳам ОЧЛнинг янги мавсумини дуранг билан бошлаганди.
Изоҳ (0)