Тошкентдаги «Локомотив» стадионида ОЧЛ–2016 мусобақасининг «А» гуруҳи 1-туридан ўрин олган Ўзбекистоннинг «Локомотив» ва Саудия Арабистонининг «Ал-Иттиҳод» клублари ўртасидаги учрашув ўз ниҳоясига етди. Унда 1:1 ҳисоби қайд этилди, дея хабар беради «Uff.uz».
Учрашувнинг 34-дақиқасида меҳмонлар аъзоси Гелмин Ривас ҳисобни очган бўлса, 89-дақиқада Сардор Мирзаев ҳисобни тенглаштириб, «темирйўлчилар»ни мағлубиятдан қутқариб қолди.
Қайд этиш керакки, ўйиннинг 90-дақиқасида мезбонлар ярим ҳимоячиси Жасур Ҳасанов ва «Ал-Иттиҳод» аъзоси Фаҳад Ал-Муваллад қизил карточка олиб, майдондан четлатилди.
«А» гуруҳининг 1-туридаги иккинчи ўйинда Эроннинг «Сепахон» жамоаси БААнинг «Ан-Наср» клубига қарши баҳс олиб боради. Мазкур учрашув бугун, 23 февраль куни Тошкент вақти билан 20:00 да старт олади.
ОЧЛ – 2016. «А» гуруҳи, 1-тур
«Локомотив» (Ўзбекистон) — «Ал-Иттиҳод» (Саудия Арабистони) — 1:1 (0:1)
Голлар: Сардор Мирзаев (89) — Гелмин Ривас (34).«Локомотив»: Игнатий Нестеров, Неманья Яничич, Ислом Тўхтахўжаев, Шерзод Файзиев, Олег Зотеев, Сардор Мирзаев, Кахи Махарадзе, Сервер Жепаров (Қувондиқ Рўзиев, 75), Темур Кападзе (Жасур Ҳасанов, 69), Санжар Шоаҳмедов, Темурхўжа Абдухолиқов (Марат Бикмаев, 65).
«Ал-Иттиҳод»: Ассаф Ал Қарни, Аҳмад Асирий, Мажид Ал-Хайбарий, Зиёд Ал-Саҳафий, Салли Мунтари (Қусай Ал-Хайбари, 63), Лусиан Санмартин (Аҳмед Ал-Назира 90+3), Авад Хрис, Абдулфаттоҳ Асирий (Абдулраҳмон Ал Гамди, 70), Жамол Бажанду, Гелмин Ривас, Фаҳад Ал-Муваллад.
Огоҳлантиришлар: Зиёд Ал-Саҳафий (57), Абдулраҳмон Ал Гамди (88).
Четлатишлар: Жасур Ҳасанов (90), Фаҳад Ал-Муваллад (90).
Изоҳ (0)