«Барселона» ҳамда «Севилья» клублари ўртасидаги Испания кубоги мусобақасининг финал ўйини 22 май куни Мадрид шаҳридаги «Висенте Кальдерон» стадионида бўлиб ўтади, дея хабар бермоқда «Uff.uz».
Бу қарорни Испания футбол федерацияси қабул қилди. Ушбу ўйингоҳда одатда «Атлетико» уй учрашувларини ўтказади.
Аслида, «Барселона» ўйинни «Сантьяго Бернабеу»да ўтказишни хоҳлаётганди, аммо 21 май куни «Қироллик клуби» стадионида қўшиқчи Брюс Спрингстин катта концерт беради.
Нашр таъкидлашича, «Висенте Кальдерон» стадиони 52 минг мухлисни ўз бағрига сиғдира олади.
Изоҳ (0)