Ироқ нефть қазиб чиқариш ҳажмини жорий йил январидаги даражада сақлаб қолишга тайёр. Бу ҳақда Ироқ нефть вазирлигидаги манбасига таяниб, «Ас-Сумария» канали хабар берди, деб ёзади «ТАСС».
«Ироқ нефть қазиб чиқаришни январь даражасида ушлаб туришга тайёр, агарда ОПЕК (Нефтни экспорт қилувчи мамлакатлар ташкилоти) мамлакатлари, шунингдек, ушбу хомашёнинг бу ташкилотга кирмайдиган йирик ишлаб чиқарувчилари мазкур масала бўйича келишувга эришса», — деди манба.
Унинг қўшимча қилишича, Бағдод «нефть бозоридаги нархни сақлаб туришга қаратилган ҳар қандай қарорни» қўллаб-қувватлайди.
Аввалроқ Россия, Саудия Арабистони, Қатар ва Венесуэла 2016 йилда нефть қазиб чиқариш ҳажмини январь ойидаги даражада сақлаб қолишга тайёрлигини билдирган эди.
Изоҳ (0)