ОАВ: Аргентинада содир бўлган бўрон оқибатида 4 киши ҳалок бўлди

Аргентинанинг Кордова провинциясида содир бўлган бўронли шамол ва жала оқибатида тўрт киши ҳалок бўлди. Бу ҳақда Clarin нашри берган маълумотларга асосан «ТАСС» хабар қилмоқда.

Маълум қилинишича, қурбонларнинг бири бир ярим ёшли гўдак бўлган. Болакай автомобиль салонида ўтирганда машинанинг устига дарахт қулаб тушган.

Расмийларнинг таъкидлашича, 100 нафарга яқин одам эвакуация қилинган. Табиий ҳодиса туфайли Кордовада электр энергия таъминоти бузилган.