Россия Бош прокуратураси Чеченистон раҳбари Рамзан Қодировнинг тизимдан ташқари мухолифат ҳақидаги баёнотларида экстремистик таркиб бор-йўқлигини текширишни республика прокуратурасига топширди. Бу ҳақда «Ведомости» хабар бермоқда.
Текширув Петербург қонунчилик йиғини депутати Максим Резникнинг сўровига биноан амалга оширилади. Депутатнинг расмий вакили «Fontanka.ru» сайти билан суҳбатида мурожаат Чеченистон прокуратурасига йўллангани ҳақида расмий хат келганини маълум қилди.
12 январь куни Рамзан Қодиров чеченистонлик журналистлар билан учрашув чоғида тизимдан ташқари мухолифат вакилларини мураккаб иқтисодий вазиятдан фойдаланиб қолишга уринаётган «халқ душманлари ва хоинлар», деб атаганди. Чеченистон раҳбарининг ушбу сўзлари қизғин муҳокамаларга сабаб бўлди. Резник сиёсатчининг бу баёнотида экстремизм унсурлари бор деб ҳисоблаб, бош прокуратурага мурожаат қилди.
Изоҳ (0)