Хитойнинг Гуанчжоу шаҳри расмийлари Зика вируси билан касалланишнинг янги ҳолати аниқланганини маълум қилди. Хавфли вирусни юқтириб олган Венесуэла фуқароси шаҳар аэропортига Москвадан учиб келганлиги билдирилмоқда, дея хабар беради «ТАСС».
Маълум бўлишича, 12 февраль куни Хитойга «Аэрофлот» авиакомпанияси рейси билан Москвадан учиб келган йўловчилардан бирида юқори ҳарорат қайд этилади. Таҳлил натижалари у Зика вируси билан касалланганини кўрсатади. Айни пайтда венесуэлалик касалхонага ётқизилган.
Бу Хитой ҳудудида аниқланган вирус билан боғлиқ иккинчи ҳолат. Олдинроқ четда касалликни юқтириб олган Ганьсянь уезди фуқароси ҳақида маълум қилинганди. У ҳозир саломатлигини тиклаган ва касалхонадан чиққан.
Изоҳ (0)