Рус православ ва Рим-католик черковлари раҳбарларининг тарихдаги биринчи учрашуви 12 февраль куни Гаванада бўлиб ўтди, деб ёзади «ТАСС».
Москва ва бутун Россия патриархи Кирилл ва Рим папаси Франциск учрашувни дўстона деб атади. Патриарх таъкидлашича, бўлиб ўтган суҳбат натижалари иккала черков ҳамкорликда фаолият юритиб, насронийларни ҳимоя қилиши мумкинлигидан дарак бермоқда.
Учрашув якунлари бўйича 30 банддан иборат ўн саҳифали декларация имзоланди. Унда кўплаб мавзуларга, жумладан, черковлар бирлашиши муаммоси, Украинадаги низо, Яқин Шарқда насронийларга ўтказилаётган жабр-зулм, бир жинсли никоҳлар, аборт ва эвтаназияга тўхталиб ўтилган.
Изоҳ (0)