Қутқарувчилар Тайвандаги 17 қаватли бино вайроналари остидан яна икки кишининг жасадини топди ва 6 февралда юз берган зилзила қурбонларининг умумий сони 62 кишига етди, деб хабар беради «РИА Новости».
Олдинроқ 60 кишининг ҳалок бўлгани ва 559 кишининг жабрлангани хабар берилганди.
Қутқарувчилар кўп қаватли бино уюмлари остидан тирик қолганларни топишнинг имкони бўлмаётганини маълум қилганди. Аммо шунга қарамай, қидирув-қутқарув ишлари давом этмоқда.
Тайвань прокуратураси 17 қаватли уйни қурган Golden Dragon Building фирмаси вакилларини эҳтиётсизлик туфайли ўлимга сабаб бўлишда гумон қилиб, ҳибсга олди.
Изоҳ (0)