11 февраль, пайшанба куни футзал бўйича Осиё чемпионати доирасида «C» ва «D» гуруҳларида биринчи тур ўйинлари бўлиб ўтди. Бу ўйинлар мусобақа гуруҳ босқичининг биринчи турига якун ясаб берди, деб хабар қилади Ўзбекистон футзал уюшмаси матбуот хизмати.
«C» гуруҳидаги ўйинлар «Универсал» спорт мажмуасида ўтказилди. Унда дастлаб, Таиланд ҳамда Тожикистон ўзаро баҳслашди. Қизиқарли ва муросасиз кечган ўйинда 5:4 ҳисоби қайд этилди ва Таиланд терма жамоаси дастлабки 3 очкони қўлга киритди.
Ушбу гуруҳдаги бошқа бир ўйин – Вьетнам ҳамда Хитой Тайпей ўртасидаги ўзаро баҳсда ҳам айнан шу ҳисоб қайд этилди ва вьетнамликлар ғалабани нишонлади.
«D» гуруҳидаги биринчи ўйинда амалдаги Осиё чемпиони — Япония Қатар терма жамоасига қарши кечган қийин учрашувда 1:0 ҳисобида ғалаба қозонди.
Гуруҳдаги иккинчи ўйинда Австралия Малайзияга қарши майдонга тушиб, 2:1 ҳисобида зафар қучди.
Изоҳ (0)