Ўзбекистоннинг иккинчи рақамли теннисчиси Фаррух Дўстов Италиянинг Бергамо шаҳрида давом этаётган ҳамда мукофот жамғармаси 42 500 еврони ташкил этувчи «Челленжер» туркумига кирувчи турнирдаги иштирокини якунлади, деб хабар беради «Оламспорт».
Ўзбекистонлик теннисчи иккинчи босқич учрашувида франциялик Грегор Барререга қарши кортга чиқди ва 3:6, 6:1, 3:6 ҳисобида имкониятни бой бериб қўйди. Таққослаш учун, франциялик теннисчи дунё рейтингида 170, 29 ёшли Дўстов эса 164-ўринни эгаллаб турибди.
Эслатиб ўтамиз, Фаррух Дўстов турнирнинг илк даврасида мусобақанинг тўртинчи ракеткаси, дунё рейтингида 109-ўринда бораётган 24 ёшли Мирза Басични 4:6, 6:3, 6:4 ҳисобида мағлуб этган эди.
Изоҳ (0)