Қиролича Елизавета II таътилдан Лондонга оддий электричкада қайтиб келди, дея хабар бермоқда The Telegraph. Жаноби олиялари Буюк Британия пойтахтига Норфолк графлигидан қайтиб келди, у ерда у анъанавий тарзда қишки таътилни ўтказди.
Елизавета биринчи класс билан саёҳат қилди. У поезд Кинс-Линн бекатидан жўнаб кетишидан беш дақиқа аввал вагондаги ўрнини эгаллади. Лондоннинг Kингс-Кросс вокзалигача бўлган йўл 1 соат-у 40 дақиқани ташкил этди. Йўлкира 54,9 фунт стерлинг (79 доллар)га тушди.
«Мен унга Норфолкка сафари ёққан-ёқмаганлигини сўрадим, у тасдиқ жавобини берди», — деди Кинс-Линн бекати бошлиғи Грэм Прэтт.
Нашр таъкидлашича, Елизавета II Британия темир йўллари хизматларидан кўп йиллардан буён фойдаланиб келади. Масалан, 1991 йилда у нафақат 225-поездда сайр қилганди, балки ўз вагонида қироличани учратишни кутмаган йўловчилар билан ҳазиллашиб ҳам қўйган эди.
Изоҳ (0)