Тайванда юз берган кучли зилзила қурбонлари сони 31 кишига етди, 515 киши жароҳат олган. Бу ҳақда оператив штаб расмий манбаларига таяниб, «ТАСС» хабар бермоқда.
Олдинроқ қурбонлар сони 23 кишини ташкил этганлиги маълум қилинганди.
Ҳалок бўлганлардан 29 нафари Тайнань муниципалитетининг Юнкан туманида жойлашган 17 қаватли «Вэйгуань» турар-жой биносида истиқомат қилган. Расмийлар бино қурилиш меъёрларига зид равишда ва сифатсиз материаллардан қурилганини тахмин қилмоқда. Бунга ойдинлик киритилиши ва текширув ўтказилиши билдирилган.
Ҳозирда 120 дан зиёд киши бедарак йўқолгани қайд этилган, улар вайроналар тагида қолган бўлиши ҳақиқатга яқинроқ. Қулаган бино қолдиқлари остидан 7 февраль, якшанба куни бир неча киши чиқариб олинган.
Изоҳ (0)