«Россия 1» телеканали биринчи марта Россия махсус топшириқли бўлинмалари Суриядаги ҳаракатлар учун қандай тайёрланиши ҳақида гапириб берди, деб ёзади «Газета.ru».
Таъкидланишича, Чеченистон ҳудудига жойлаштирилган лагерь Суриядаги Россия авиабазаси хавфсизлигини таъминловчи махсус бўлинмаларни тайёрлаш учун фойдаланилади.
Кўпчилиги чеченистонликлардан ташкил топган махсус топшириқли бўлинмалар жангчиларининг ИШИДга қарши жанговар ҳаракатлардаги иштироки ҳақида Чеченистон Республикаси раҳбари Рамзан Қодиров сўзлаб берди. У, шунингдек, чеченистонлик ҳарбий хизматчиларнинг бир неча нафари Сурияда ҳалок бўлгани ҳақида биринчи марта маълум қилди.
Қодиров айтишича, бир неча йил аввал махсус бўлинмалар жангчилари юзага келаётган ИШИДга қарши разведка олиб бориш учун Яқин Шарққа юборилган.
«Бизнинг йигитларимиз НАТО базаларида тайёрланган, уларни Сурия давлатига киритишган эди», — деди Қодиров.
Телеканал, шунингдек, махсус топшириқли бўлинмалар қурол-анжомларини кўрсатди.
Изоҳ (0)