Apple раҳбари Тим Кук Twitter’даги саҳифасида АҚШ миллий футбол лигаси чемпионатидан олинган суратни жойлаштиргач, кулгига қолди. Гап шундаки, сурат ўта сифатсиз чиққан, бу эса фойдаланувчилар эътиборидан четда қолмади, дея хабар беради «Hi-tech.mail.ru».
iPhone телефонларида камералар энг кўп ишлатиладиган функциялардан бири эканлиги маълум ва бунинг учун яхшигина ҳақ тўланади. Шу боис Кук ижтимоий тармоқда муваффақиятсиз чиққан суратни чоп этгач, нақ балога қолди. Овоза қилинган оптик барқарорлаштириш иш бергани йўқ ва кадр чаплашган, ўхшовсиз чиқди.
Twitter фойдаланувчилари дарров бунга муносабат билдирди ва Apple раҳбарига келгуси гал камераси «иш кўрсатмайдиган» Samsung смартфонларидан фойдаланишни маслаҳат берди. Кук бунга жавоб беришдан ўзини тийиб турибди.
Изоҳ (0)