Samsung Electronics компанияси Ўзбекистонда Samsung Galaxy А смартфонларининг янгиланган линейкасини сота бошлади, деб ёзади «Mobinfo.uz». Линейкага Galaxy A3, A5 ва A7 моделлари киради.
2015 йил охирида тақдим этилган ушбу қурилмалар линейкаси шиша ва металл корпус, эргономик дизайн, универсал слот (SIM+SIM / SIM+microSD), катта сиғимли аккумулятор, тезкор заряд олиш функцияси, мукаммаллаштирилган камера, яхшиланган процессор ва 4G/LTE технологияси билан ажралиб туради.
Galaxy A7 (2016) саккиз ядроли Samsung Exynos 7580 процессори, 3 Гб тезкор ва 16 Гб ички хотира (+microSD), 13 мегапикселли асосий ва 5 мегапикселли олд камера, 3300 мА/соат сиғимли аккумуляторга эга.
Қурилма TouchWiz фирма қобиғига эга Android 5.1 операцион тизимида ишлайди.
Тошкентдаги «Флешка» савдо мажмуасида Samsung Galaxy A7 (2016) смартфонини 2,6 миллион сўмга сотиб олиш мумкин.
Эслатиб ўтамиз, аввалроқ янгиланган линейкадаги Samsung Galaxy A3 (2016) смартфонини 1,7 миллион сўмга, Galaxy A5 (2016) смартфонини эса 2,2 миллион сўмга харид қилиш мумкинлиги ҳақида хабар берилган эди.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)