Apple мижозларига шикаст етган iPhone’ларини сотиш имкониятини бермоқда: Reuse and Recycle тартибига кўра, мижоз бузуқ телефонини сотиб, ўша заҳоти дўкондан янгисини харид қилиши мумкин, дея хабар беради «Газета.ru».
Бундай тартиб олдин ҳам амалда бўлган, бироқ илгари фақат маълум бир шикастланишларга эга телефонни сотиш мумкин эди. Энди эса ҳатто экрани синган ёки тугмаси ишдан чиққанларини ҳам топшириш, шунингдек, телефон харид қилиш чоғида дарров экранга ҳимоя ойнаси қўйдириб олиш мумкин.
Apple янги қоидалар iPhone’лар сотуви ҳажми ошишига ёрдам беришига умид қилмоқда ва жорий этилган тартиб бузилган телефонни таъмирлашдан кўра арзонроққа тушишини таъкидламоқда.
Изоҳ (0)