Тошкентда Samsung Galaxy A3 (2016) смартфони 1,7 млн сўмдан сотувга чиқди

Samsung Electronics компанияси Ўзбекистонда Samsung Galaxy А смартфонларининг янгиланган линейкасини сота бошлади, деб ёзади «Mobinfo.uz».

2015 йил охирида тақдим этилган ушбу қурилмалар линейкаси  шиша ва металл корпус, эргономик дизайн, универсал слот (SIM+SIM / SIM+microSD), катта сиғимли аккумулятор, тезкор заряд олиш функцияси, мукаммаллаштирилган камера, яхшиланган процессор ва 4G/LTE технологиясига эга.

Линейкадаги энг кичик модель Samsung Galaxy A3 (2016) 4,7 дюймли ва 1280×720 пикселли Super AMOLED дисплей, тўрт ядроли Exynos 7578 процессори, 1,5 Гб тезкор ва 16 Гб ички хотира (+microSD), 2300 мА/соат сиғимли аккумулятор, 13 мегапикселли асосий ва 5 мегапикселли олд камера билан жиҳозланган.

Қурилма TouchWiz фирма қобиғига эга Android 5.1 операцион тизимида ишлайди.

Пойтахтдаги «Флешка» савдо мажмуасида Samsung Galaxy A3 (2016) смартфонини 1,7 миллион сўмга харид қилиш мумкин.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.