Майамида яшовчи Клаудиа Кастильо маҳаллий полиция зобити билан ўрин алмашди. Аёл трассада у билан ёнма-ён кетаётган патруль машинасига рухсат берилган энг юқори тезликда ҳам етолмаётганига эътибор қаратди. Шундан сўнг у зобитга дакки беришга қарор қилди ва узоқ чўзилмаган қувишдан сўнг уни чеккага чиқишга мажбур этди, дея хабар беради Tjournal.
«Мени худди жойимда турганимдек қувиб ўтдингиз. 130 километр тезликкача чиқдим, аммо барибир чангингизда қолиб кетдим», — дея таъна қилган Клаудиа. Аёлнинг қаерга бунчалик шошаётгани ҳақидаги саволига жавобан полициячи ишга кетаётгани, тезликни ошириб юборганини сезмаганини билдирган. Кастильо полициячи фуқаролар учун ўрнак бўлиши лозимлигини эслатган, зобитда эса бунга қўшилмасликдан бошқа илож қолмаган.
Буларнинг барчасини аёл видеога олган ва YouTube’га жойлаган. Учта ролик жами бир миллиондан зиёд кўрилган. Видеолавҳалар оммалашиб кетгач, зобитнинг шахси аниқланган ва унга нисбатан текширув бошланган.
https://youtu.be/-86Y1_FLuks
Изоҳ (0)