Экстремистик сўровларни киритаётган Google қидирув хизмати фойдаланувчилари аксилрадикал йўналишдаги сайтларга йўналтирилади, деб ёзади «Корреспондент.net».
Ушбу янгилик синов режимида синаб кўрилади. Ташаббус террорчилик ташкилотлари, жумладан, ИШИДнинг интернетдаги ваколатхоналарига қарши курашга қаратилган.
Шунингдек, компания тармоққа экстремистлар томонидан жойланган видеоларни идентификация қилишни соддалаштирувчи схемани синовдан ўтказмоқда.
«Биз ёмон ахборотни йўқ қилишимиз керак, шу билан бирга, одамлар фойдали ахборотни топа олиши ҳам жуда муҳимдир. Ўзларини ёлғиз ҳис қилган кишилар онлайнга чиқиб, зарарли эмас, ишончли ҳамжамиятларни топади», — деди Google жамоатчилик сиёсати ва коммуникациялар бўйича катта менежери Энтони Хаус.
Изоҳ (0)