Yahoo компанияси харажатларни камайтириш стратегияси доирасида ходимларини 15 фоизга қисқартиришни режалаштирмоқда. Жами 1700 киши ишдан озод этилади, шундан сўнг компания таркибида 9 минг атрофидаги ходим қолади. Бу ҳақда Meduza хабар бермоқда.
Харажатларни қисқартириш дастури Yahoo’га йилига 400 миллион долларни иқтисод қилиш имконини беради. Компания интеллектуал ва кўчмас мулкни сотиш ҳисобидан 1 дан 3 миллиард долларгача бўлган миқдордаги маблағни қўлга киритишни ҳам мўлжалланган. Yahoo’нинг Дубай, Мехико, Буэнос-Айрес, Мадрид ва Миландаги офислари ёпилиши, шунингдек, Games ва TV сервислари сотилиши белгиланган.
Изоҳ (0)