Gmail электрон почта хизматининг бир ойлик аудиторияси бир миллиард кишига етди, дея хабар бермоқда TJournal Google бош директори Сундар Пичайга таяниб.
900 миллион кишилик маррага эса Gmail 2015 йил майида етган эди.
Gmail Google’нинг бир миллиард фойдаланувчи тўплай олган еттинчи сервисидир. Аввалроқ ушбу маррани Google қидирув хизмати, Android, Chrome браузери, Google Play дастурлар дўкони, Google Maps ва YouTube босиб ўтган эди.
Нашр эслатишича, бугун, 2 февраль куни Facebook’га тегишли WhatsApp мессенжери ҳам бир миллиард кишилик бир ойлик аудиторияга эга бўлгани маълум қилинди.