«Хаббл» коинот телескопи Эридан юлдузлар туркумидаги икки ёки уч митти галактика қўшилиши натижасида шаклланаётган NGC 1487 галактикасининг батафсил суратларини олди. Бу ҳақда «РИА Новости» хабар бермоқда.
«Хаббл» ва бошқа телескоплар ёрдамида шундай объектларни кузатиб, олимлар спиралсимон ва эллиптик галактикалар билан тўқнашувлардан сўнг нима рўй беришини тушуниб етишга ҳаракат қилмоқда. Бундай маълумотлар 3,5 миллиард йилдан сўнг юз бериши тахмин қилинаётган бизнинг галактика — Сомон йўли ва Андромеда галактикаси тўқнашуви оқибатларини баҳолаш учун керак бўлади.
Изоҳ (0)