БМТ вакиллари АҚШда афроамерикаликларнинг фуқаролик ва сиёсий ҳуқуқлари камситилиши давом этмоқда, деб ҳисоблайди. Бу ҳақда халқаро ташкилот янгиликлар марказига таяниб, «Корреспондент.net» хабар берди.
Ташкилот экспертлари 9—29 январь кунлари Балтимор, Вашингтон, Жексон (Миссисипи штати), Нью-Йорк ва Чикагода бўлди. Ташриф якунлари бўйича улар томонидан полициячилар томонидан қора танлилар ўлдирилиши, зўравонлик, шунингдек, суд ишларида ирқий ажратиш ҳолатлари кўпайганидан ташвишланиш билдирилган.
«Ирқий камситишга барҳам беришга қаратилган қонунлар пайдо бўлганидан ва фуқаролар ҳуқуқи учун кураш бошланганидан сўнг кузатилган сезиларли ўзгаришларга қарамай, бир гуруҳнинг бошқа бир гуруҳ устидан ҳукмронлиги мафкураси афроамерикаликларнинг фуқаролик, сиёсий, иқтисодий, ижтимоий, маданий ва экологик ҳуқуқларига салбий таъсир кўрсатишда давом этмоқда», — дейилади БМТ экспертлари баёнотида.
Изоҳ (0)