Журналист Владимир Кара-Мурза Чеченистон раҳбари Рамзан Қодиров ўз Instagram’ида эълон қилган видеони «қотилликка қаратилган иғво» деб атади. Бу ҳақда «Говорит Москва» радиостанцияси хабар бермоқда.
«Шубҳасиз, биргаликда ҳуқуқни ҳимоя қилиш органларига мурожаат қиламиз. Афсуски, ҳозир кўриб турганимиз — Россия мухолифати етакчиси Борис Немцовнинг намойишкорона қотиллигидан кейин қарийб бир йил давомида жазо кўрмасликнинг бевосита натижаси. Ушбу жиноят излари қандай бўлса ҳам Грознийга олиб бориши ҳаммага аён», — деди Кара-Мурза.
Журналист, шунингдек, Страсбургга Борис Немцовнинг ўлдириб кетилиши ҳақидаги иш бўйича текширув устидан назорат ўрнатиш масаласини муҳокама қилиш учун Европа Кенгаши Парламент ассамблеяси сессиясига Mиxаил Касьянов, Жанна Немцова ва Вадим Прохоров билан бирга борганини таъкидлади.
Эслатиб ўтамиз, Рамзан Қодиров Instagram’ига «ПAРНАС» (Халқ озодлик партияси) етакчиси Mиxаил Касьяновнинг снайпер нишони визул эффекти қўлланилган видеосини эълон қилган эди, унда журналист кичик Владимир Кара-Мурза ҳам акс этган. Қодиров Instagram’даги видеосини «Касьянов Россия мухолифати учун пул олишга Страсбургга келди. Тушунмаганлар тушуниб олади» — дея шарҳлаган.
12 январь куни Қодиров тизимдан ташқари мухолифатга нисбатан кескин фикр билдирган эди. У мухолифат вакилларига нисбатан «халқ душмани»га бўлгани каби муносабатда бўлишга чақирган эди. Чеченистон раҳбарининг ушбу сўзлари қизғин муҳокамаларга сабаб бўлди.
Изоҳ (0)