Франция президенти Франсуа Олланд тумуш ўртоғини ўлдирганлиги учун 10 йиллик қамоқ жазосига ҳукм қилинган 68 ёшли Жаклин Саважни афв этиш ҳақидаги фармонга имзо чекди. Бу ҳақда The Guardian хабар бермоқда.
Аёл ичкиликбозликка чалинган Норбер Маро билан 47 йил бирга турмуш кечирган. Эри уни ва уч нафар қизларини мунтазам равишда калтаклаб, зўрлаб келган, ўғлини таҳқирлаган (у кейинчалик ўзини осиб қўйган). Ўғли ўз жонига қасд қилган куннинг эртасига Саваж эрини милтиқдан уч бор ўқ узиб, ўлдирган.
Қотиллик 2010 йил сентябрида амалга оширилган, орадан икки йил ўтиб, аёл қамоқ жазосига ҳукм қилинди. Суд қарори мамлакат фуқароларининг норозилигига сабаб бўлди: Саважни озод этиш талаб қилинган ва Франция президенти номига йўлланган петицияга 400 мингдан зиёд киши имзо чекди.
Жаклин Саваж апрель ўрталарида озодликка чиқиши кутилмоқда.
Изоҳ (0)