АҚШ маъмурияти молия вазирининг Россия президенти Владимир Путиннинг коррупциялашганлиги ҳақидаги баёнотини ўз позициясини энг яхши ифодаси деб ҳисоблайди. Бу ҳақда АҚШ президенти Барак Обаманинг матбуот котиби ва Оқ уйнинг расмий вакили Жош Эрнест журналистлар билан брифинг чоғида маълум қилди, деб хабар беради «Газета.ru».
«Молия вазирининг ушбу баёноти маъмуриятнинг қарашларини энг яхши тарзда ифодалайди», — деди у.
У, шунингдек, айнан молия вазири санкцияларни узайтириш ҳақидаги қарорнинг қабул қилиниши учун жавоб беришини таъкидлади.
Аввалроқ Россия президенти Владимир Путиннинг матбуот котиби Дмитрий Песков АҚШ молия вазирининг Путиннинг коррупцияга алоқадорлиги ҳақидаги баёнотини уйдирма деб атаган эди.
Изоҳ (0)