Қозоғистоннинг Олмаота шаҳри атрофидаги тоғларда польшалик сайёҳ жасади эвакуация қилинди. Бу ҳақда Kazakhstan Today хабар бермоқда.
Ноқулай об-ҳаво шароитига кўра вертолёт жалб этишнинг имкони бўлмагани туфайли қутқарувчилар томонидан ҳодиса жойига пиёда чиқишга қарор қилинди. 28 январь, пайшанба куни жасад ички ишлар ходимларига топширилди.
25 январь, душанба куни Олмаота тоғлари атрофида польшалик сайёҳ йўқолиб қолгани ҳақида маълумот олинган. Сайёҳ Чимбулоқ тоғ-чанғи курорти томонга сайрга чиқади. Эртасига қутқарувчилар унинг жасадини Талга дараси қиялигида аниқлади. Дастлабки маълумотларга кўра, эркак совуқдан нобуд бўлган. У расман ҳеч қаерда рўйхатдан ўтмагани, сафар йўналишини келишмагани айтилмоқда.
Изоҳ (0)