Bloomberg агентлигининг қайд этишича, Россиядан келган хабарлар туфайли эталон маркадаги нефть нархи бирдан кўтарилди. Бу ҳақда «Корреспондент.net» хабар қилмоқда.
Март ойидаги фьючерслар учун Brent маркасидаги нефть нархи 1,93 долларга ошиб, баррелига 35,03 долларни ташкил этди.
WTI маркасидаги нефть нархи 1,62 долларга ўсиб, баррелига 34,12 доллардан савдо қилинди.
Бунга Россия энергетика вазири Александр Новакнинг айтган сўзлари сабаб бўлди. Унинг сўзларига кўра, Саудия Арабистони ОПЕКнинг олдинги учрашувларида ташкилот аъзоларидан нефть қазиб олишни беш фоизга қисқартиришни таклиф қилган.
Энг охирги прогнозларга кўра, Brent маркасидаги нефть нархи 2016 йил охирига бориб баррелига 70—75 долларга етиши мумкин. Олдинроқ трейдерлар нефть нархи ўзининг энг пастки кўрсаткичини қайд этиб бўлгани, йил охирига бориб нефтнинг бир баррели 50 долларга етишини маълум қилганди.
Бошқа таҳлилчиларнинг фикрича, агар Саудия Арабистони ва Эрон ўртасидаги можаро «иссиқ» урушга айланиб кетса, нефть нархи баррелига 250 долларгача етиши мумкин.
Изоҳ (0)