Бугун, 28 январь куни Uzbekistan Airways Technics авиакорхонасида Самолётлар композит таркибий қисмларини таъмирлаш ва хизмат кўрсатиш маркази очилди, дея хабар бермоқда «Ўзбекистон ҳаво йўллари» Миллий авиакомпанияси матбуот хизмати.
Ушбу марказ Boeing-787 Dreamliner янги авлод авиация техникасига хизмат кўрсатиши кўзда тутилмоқда. Аввалроқ унинг Марказий Осиёда ягона бўлиши хабар берилган эди.
Бу Американинг Boeing Cо компанияси ва Ўзбекистоннинг «Ўзбекистон ҳаво йўллари» миллий авиакомпанияси қўшма лойиҳасидир.
2007—2008 йилларда «Ўзбекистон ҳаво йўллари» Boeing билан жами 645 миллион долларлик тўртта Boeing-767-300ER ва иккита Boeing 787-8 Dreamliner самолётларини сотиб олиш ҳақида шартнома имзолаган. 2014 йилнинг июлида Boeing-767-300ER’ни етказиб бериш бўйича шартнома амалга оширилган. Иккита 787-800 Dreamliner эса 2016 йил учинчи чорагида етказиб берилади.
Изоҳ (0)