Россияда ўтказилган дўстлик онлайн-фестивалида ўзбекистонлик талаба Сардор Хайриев ғолиб бўлди, дея хабар бермоқда «Тожикистон Республикасидаги ўзбеклар миллий-маданий мухторияти» минтақавий жамоатчилик ташкилоти.
Сардор фестивалда Татаристондаги Қозон федерал университети Елабуга институти номидан қатнашди. Танловда Россия олий таълим муассасаларида ўқиш учун Иордания, Хитой, Вьетнам, Бразилия, Франция, Перу, Эрон, Колумбия ва бошқа мамлакатлардан келган талабалар иштирок этди.
Танлов иншо ёзиш ҳамда асардан парча ўқиб беришни ўз ичига олди. Ижодий ишларни баҳолашда фестиваль ҳайъати рус тилини билиш даражаси, талқин қилиш услубининг оригиналлиги ва мавзуга стандарт ёндашувдан узоқлаша олиш қобилиятларини баҳолади.
Изоҳ (0)