15 март куни жамоавий устунликни ўрнатиш бўйича машҳур нотиқ ва экспертнинг семинари бўлиб ўтади. Унда маърузачи замонавий бизнес шароитларида энг сара натижаларга эришиш йўлида мулоқот ва ўзаро муносабатларнинг тамойиллари билан ўртоқлашади.
Бўлажак семинар, муваффақиятли ва самарали бизнес-ташкилотда ҳукм суриши зарур бўлган корпоратив маданият қандай бўлиши кераклиги тўғрисидаги мавзуни батафсил ёритади. Тадбир дастури назарий қисмдан иборат бўлиб, унда машҳур кишиларни бошқалардан ажратиб турадиган ўзаро мулоқот ва муносабатларининг тамойиллари ҳамда онгли равишда эшитиш натижасида максимал натижаларга қай йўсинда эришиш мумкинлиги юзасидан мисоллар кўриб чиқилади. Қолаверса, Жон Кинг, инсонларнинг бошқаларга нисбатан кенг тарқалган янглиш ва хато фикрлари, ҳамда умумий шахсий қадриятлар ва уларни суҳбат чоғида етказиш усуллари тўғрисида ҳикоя қилади.
Семинарнинг амалий қисмида, Жон Кинг маслаҳат берган етакчи компанияларнинг энг намунали кейслари батафсил таҳлил қилинади. Уларнинг орасида тижорат кўчмас мулк бўйича дунёда энг йирик агентлик — CBRE Group, Жанубий Калифорниянинг улкан электр таъминотчиси — Southern California Edison, «энг сара иш берувчиси» деб тан олинган, йилига 80 миллион долларлик савдо айланмасига эга онлайн-ритейлер — Zappos.com бор. Жон Кинг, шу билан бирга, коучинг-сессиясини ўтказади. Коучинг-сессия давомида, маърузачи қўйилган муаммоларга ўз фикрини билдиради ва аниқ вазифаларни ечиш юзасидан таклифларни тақдим этади.
«Ҳозирги давримизда технологиялар рақобатли устунликдек қайд этилмай қоляпти ва биз, муваффақиятли ташкилотни қуришда инсон энг муҳим омил эканлиги борасидаги фикрларни тез-тез эшитмоқдамиз. Аммо ишга келганда, компанияни етакчиликка ҳақиқатда олиб келиши мумкин бўлган бу каби ташкилий маданиятни қандай қилиб шакллантириш мумкинлигини камдан-кам киши билади. Биз ушбу бўшлиқни тўлдирмоқчимиз ва бизнес-аудиториямизгача мазкур соҳадаги энг сўнгги ва энг самарали ишланмаларни етказишни истаймиз. Шу орқали маҳаллий ташкилотлардаги корпоратив ўзаро муносабатлар маданиятини сифат жиҳатдан янги даражага олиб чиқишга кўмаклаша оламиз», — дея шарҳ берди семинар ташкилотчиси Be The Change Group компанияси директори Лев Гавриш.
Малакали бизнес-консультантнинг зийрак раҳбарлиги остида, семинар давомида қатнашчилар ўз ҳаққоний стратегиялари ва хатти-ҳаракатларининг режасини ишлаб чиқишлари, «оғир ҳамкорлар» билан муносабатлар учун амалий воситалар билан қуролланишлари, «зиёнли андозалар»дан ҳоли бўлишлари мумкин бўлади. Ўз шахсий ва профессионал ҳаётини қизиқарлироқ ва янада мазмунга бой қилиш учун кундалик икир-чикир ишлардан чиқиб кетишга бўлган интилишнинг ўсиши, ҳамда кўпроқ натижаларга эришиш учун қатъият — қўшимча таъсир кучи бўлиб хизмат қилади.
Семинар мазкур йилнинг 15 март куни Wyndham Tashkent меҳмонхонасида бўлиб ўтади. Тадбир дастурида иштирокчиларнинг ўзаро мулоқоти учун танаффуслар кўзда тутилган. Барча тингловчилар маърузада қатнашганликлари тўғрисидаги расмий сертификат билан тақдирланадилар. Семинар тўғрисидаги ва чипталарни харид қилиш бўйича қўшимча маълумотни тадбир расмий сайтидан www.change.uz ва (+99890) 994-12-11, (+99890) 995-12-11 телефонлари орқали билиб олишингиз мумкин.Маърузачи ҳақида: Жон Кинг
Жон Пол Кинг – раҳбарлик ва коучинг масалаларида дунёнинг энг йирик нуфузли мутахассисларидан бири, The Coaching Revolution ва Tribal Leadership бестселлерларининг ҳаммуаллифи. Жон Евросиё (CELA), Жануби-Шарқий Осиё (SEALA) ва Яқин Шарқда (MELA) раҳбарлар даражасини тараққий эттириш бўйича SIBF (Халқаро бизнес-ҳамжамият) дастурларининг тренери.
У коучинг, топ-менежерларга ҳамроҳлик қилиш, стратегик раҳбарлик, корпоратив маданият бўйича таълим дастурларини тақдим этувчи The Cultural Architecture халқаро корпорацияси ва институтининг ҳамтаъсисчиси ва бош директоридир. Жонга замонамизнинг энг ёрқин нотиқларидан бири сифатидаги талаб катта ва у бутун дунёда бизнес раҳбарлари ва эгаларининг мураббийи сифатида машҳур. 2000 йил American Society for Training & Development’нинг Award of Excellence in Leadership Trainings мукофоти соҳиби. Унинг мижозлари – New York Times, Wall Street Journal ва Forbes кабиларда исмлари доимий равишда учраб турадиган кенг жамоатчилик вакиллари, давлат тузилмаси ва корпорациялари раҳбарлари, машҳур бизнесменлар.
Жон Fortune-100 рўйхатидаги АҚШнинг энг йирик компаниялари билан ҳамкорлик қилади. Улар қаторида Intel, American Express, Amgen, SEHA Southern California Edison, «Коинот чегаралари» жамғармаси ва кўплаб бошқа муассасалар бор. Жон Кинг Marshall бизнес-мактаби, American Express етакчилар мактаби, Middle-East Leadership Academy, South-East Leadership Academy ва бошқа шу каби нуфузли ўқув муассасаларида олий даражали раҳбарлар ва жамоат арбоблари учун очиқ чиқишлар уюштиради.
Be The Change Group компанияси тўғрисида
Компанияга 2015 йил асос солинган. Асосий ихтисослиги – ўз соҳасида етакчи консультантлар иштирокида тор ихтисосли семинарлар, маъруза ва тренингларни ташкил этиш, мустақил таълим ва бизнесни илгари суриш бўйича турли дастурларни ишлаб чиқиш. Компания директори – Лев Михайлович Гавриш – Ўзбек-Япон марказининг, турли фаолият соҳаларида бизнесни бошқариш бўйича мутахассисларни тайёрлаш учун дипломдан кейинги таълим тури ҳисобланувчи — Профессионал менежмент дастури (РМР) битирувчиси. Таълим даражасини ошириш ва халқаро алоқаларни ривожлантиришга йўналтирилган халқаро лойиҳаларни амалга оширишда катта тажрибага эга.Бугунга келиб компания ўз соҳасида машҳур бўлган маърузачилар, жумладан, Игорь Манн, Дмитрий Турусин, Николай Дорошчук, Денис Каплунов ва Брайан Трейси кабиларнинг бизнес-семинарларини муваффақиятли ўтказди.
Реклама ҳуқуқи асосида. «Дарё» ушбу тадбирнинг ахборот ҳамкори ҳисобланади
Изоҳ (0)