Россияда эпидемия бўсағасидан ошиб ўтилган уч ҳафтадан бери 107 киши грипп асоратлари туфайли нобуд бўлди. Улар орасида 8 нафар бола ва 4 нафар ҳомиладор аёл бор. Ўлим ҳолатлари асосан чўчқа гриппи вируси оқибатида рўй берган, дея маълум қилади Tjournal.
«Шу уч ҳафтанинг ўзида мамлакатда 4,5 минг киши миокард инфаркти, 6 минг киши инсульт, минг киши йўл-транспорт ҳодисасида ҳалок бўлди. Бу рақамларни келтиришдан мақсад вазиятга совуққонлик билан баҳо берилиши истагидир», — дея таъкидлаган Россия соғлиқни сақлаш вазири Вероника Скворцова.
Вазир 2009 йили, чўчқа гриппи эпидемияси тарқалганда, Россияда 687 киши нобуд бўлганини эслатди ва айни пайтда соғлиқни сақлаш тизими касалликка қарши туриш учун бирмунча яхши тайёргарликка эга эканлигини маълум қилди.
Изоҳ (0)