Пичоқ билан қуролланган экстремистлар Иордан дарёсининг ғарбий соҳилидаги яҳудийларнинг Бейт-Хорон қишлоғидаги дўконда икки нафар исроиллик аёлни яралади. Бу ҳақда Исроил мудофаа армияси вакили Питер Лернерга таяниб, «ТАСС» хабар қилмоқда.
«Икки нафар пичоқ билан қуролланган жиноятчи Бейт-Хорон ҳудудидаги супермаркетга кирди ва икки аёлга жароҳат етказди», — деди Лернер. Унинг сўзларига кўра, хавфсизлик хизмати ходимлари ҳужумчиларни воқеа жойида отиб ташлади.
2015 йилнинг октябрида Исроил ва Иордан дарёсининг ғарбий соҳилида бошланган зўравонликлар ҳозиргача 24 нафар исроиллик ва 150 нафар фаластинликнинг ўлимига олиб келди.
Изоҳ (0)