Россияда қурилиш соҳасида Туркияга нисбатан чекловлар кенгайтирилади. Бу ҳақда Россия президенти Владимир Путин Умумроссия халқ фронти минтақалараро форумидаги чиқишида маълум қилди, деб хабар беради «РБК».
Путиннинг сўзларига кўра, ҳозир Россия ҳудудидаги қурилиш соҳасида 300 га яқин Туркия компаниялари умумий суммаси 50 миллиард долларлик шартномаларни бажармоқда. Россия президентининг сўзларига кўра, бу «жиддий рақам».
«Амалдаги шартномалар ишлаб турибди, лекин, шунга қарамай, бу соҳадаги чекловлар кенгайтирилади», — деди Путин.
Унинг аниқлик киритишича, амалдаги шартномаларни бекор қилмаслик қарори Россия манфаатларига зарар етказмаслик учун қабул қилинган.
Путин туркиялик қурувчилар ўрнига россияликлар келишини айтиб ўтди. Бу орқали Россияда 87 минг ишчи ўрни яратилиши кутилмоқда.
Изоҳ (0)