Жанубий Африка Республикасида терьер зотли ит ўз эгаси ва унинг икки ёшли қизини кобра ҳамласидан қутқариб қолди, бироқ ўзи ҳалок бўлди, дея хабар бермоқда «ТАСС».
32 ёшли Карен фан дер Берг исмли аёлнинг айтишича, у уйидаги бассейн ёнида ўтирганида, Жек-рассел овчи зотига мансуб Жамол лақабли итининг ҳурганини эшитган. Ўрнидан туриб ён-атрофга боққанида бир ярим метрли кобрани кўрган.
Ит жон-жаҳди билан кобрага ёпишиб, уни ўлдирган, бироқ ўзи кобранинг заҳарли нишидан ҳалок бўлган.
Изоҳ (0)