МДҲлик болалар ўртасида Приморьедаги Амур ва Тимур яшайдиган сафари боғга саёҳат ўйналмоқда

Бўлғуси «Амур ва Тимур» мультфильми учун машҳур дўстлар яшайдиган Приморье сафари боғида учта танлов бошланди, дея хабар бермоқда «Интерфакс».

Боғ сайтида маълум қилинишича, расмлар, сценарийлар ва лойиҳа ижрочилари танловида собиқ Совет Социалистик Республикаларида яшовчи болалар қатнашиши мумкин.

Ҳакамлар ҳайъати танловнинг 17 нафар ғолибини аниқлайди (собиқ иттифоқнинг ҳар битта республикасидан биттадан бола ва яна икки нафар ғолиб) ва уларга Приморье сафари боғига саёҳат қилиб, Амур ва Тимурни зиёрат қилиш имконияти тақдим этилади.

Ғолиблар учун саёҳат сафари боғ маблағлари ҳисобидан молиялаштирилади.

Эслатиб ўтамиз, аввалроқ эчки Тимур йўлбарсга жуда яқин келиб унга ташланиб кўрмоқчи бўлганда, йўлбарс Амур ўйинга берилиб кетган дўстига тарсаки туширгани хабар берилган эди.