КХДР Жанубий Корея парламентининг Пхеньян томонидан ўтказилган ядро синови қораланган резолюциясини қабул қилишдан бош тортди. Бу ҳақда «РИА Новости» хабар бермоқда.
Yonhap маълумотларига кўра, Жанубий Корея ҳукумати вакиллари парламент томонидан 8 январда қабул қилинган ҳужжатни икки давлат ўртасидаги Пханмунджом музокаралар пунктида топширмоқчи бўлган, аммо шимолликлар уни олишдан бош тортган.
Агентликнинг билдиришича, Сеул 2006 ва 2013 йилларда ҳам Пхеньянга парламентнинг ядро синовлари қораланган резолюцияларини топширмоқчи бўлган, бироқ бу уринишлар муваффақиятсиз якунланганди.
Изоҳ (0)