Алишер Усмонов ва шерикларининг USM Holdings холдинги Американинг такси буюртмаси бўйича Uber хизмати инвесторларидан бири эканлиги маълум бўлди. Бу ҳақда инвестхолдингга яқин манбасига таяниб, «РБК» хабар бермоқда, ушбу маълумотни Uber’дагилар ҳам тасдиқлади.
USM Америка стартапига 2015 йил ёзида бир неча ўн миллион доллар миқдорида инвестиция киритган.
The Wall Street Journal ёзишича, 2015 йил июлида Uber 1 миллиард доллар жалб қилган, компаниянинг ўзи эса 51 миллиард долларга баҳоланган. Бу пайтга келиб, компанияга киритилган инвестицияларнинг умумий ҳажми 5 миллиард доллардан ошган.
Uber’га инвестицияларнинг сўнгги раунди ўтган йилнинг декабрида бўлиб ўтди. Компания 2,1 миллиард доллар жалб қилди, унинг бутун бизнеси 62,5 миллиард долларга баҳоланди. USM ушбу раундда иштирок этмади.
Изоҳ (0)